新書

生曰前响 yesasia.com 度訂咗兩本拼布書同以下呢本 【狗狗有家教】。



個兩本拼布書可以去我個 Craft's Blog >>-- 呢度 --< 睇

至於會呢本 【狗狗有家教】 嘅原因為...自從屋企換部新電視之後 Pika 開始出現 "成日亂吠" 嘅不良行為，呢個不良行為啲夜晚睇電視時間最為厲害，令到我哋除咗體育頻道乜都唔睇得...問過好多養緊狗嘅朋友，用咗唔同嘅方法都搞佢唔掂...用噴水壺嘅方法係有少少用，但當電視裡出現動物或卡通人物嘅時候又再狂吠。

睇咗 【狗狗有家教】 個作者嘅 blog 都有幾個月覺得佢都講得幾有道理，所以買佢本書返嚟睇吓係咁我哋做咗啲乜嘢令到佢呢個不良行為嘅出現。

Pika 出碟!?

出咗碟之後連猫都上網睇吓佢乜料...


四圍都可以見到佢嘅廣告...因為有錢所以佢開咗間公司做 CEO，咁就可以錢揾錢養爸爸、媽媽



由於近日 Pika Chiu 當紅，有唔少人都幫佢晝晝像

Long weekend

今次想講呢間 Japan House...

佢哋啲甜品真係難食到唔知點講好...不過佢哋嘅服務真係好到唔講唔得

由於呢個 trip 都嚟得幾特然再加上我唔記得今個 weekend 係 Long Weekend...所以 Pika book 唔到 boarding，搞到要帶佢一齊出 Dallas....不過好彩比我哋响 Plano book 到 Doggie Day Camp...不過係星期日...咁星期六出到嚟就更係第一時間揾嘅食啦....有人話呢間幾好咪去試囉

但係我哋帶住 Pika 又點可以入去食 All You Can Eat 呢?? Dr. Chiu 就膽粗粗問吓佢哋可唔可以放 Pika 响佢地嘅 office...因為我哋知有食物嘅地方一定唔可以帶動物，而通常啲餐廳都唔會理會客人啲咁嘅要求。不出我所料...真係唔得。不過佢哋比 Pika 去佢哋嘅小貨倉...需然冇冷氣不過都好過响架車度焗呀...佢哋重好人到比水Pika飲添。到食完佢哋又帶Pika出嚟我哋架車度添.

今次出 Dallas 其實主要係買櫃...冇錯..又買櫃...冇幫法架車細就係咁，要好似啲蟻咁慢慢買、慢慢搬。
今次要買電視櫃放入主人房...因為買咗 LCD 電視之後部老電視就入咗主人房不過一直未揾到個啱高度嘅櫃，所以佢一直都放响地，而我就因為張牀太早要扒响牀尾先睇到電視。

最後我哋响 IKEA 買咗呢個電視櫃放响廳，而原本個櫃其實係一個書櫃比我打橫放响地做電視櫃，依家將佢企返身入主人房


原本部電視就係放响呢個牆角嘅地下喇...而架高幾多，終於唔洗扒响度睇電視喇...yeah

綠色嘅春卷...

你哋見過綠色嘅春卷未?



呢條春卷係 Pika 隻腳仔。

點解會咁? 係因為 Pika 唔知幾時整親隻腳...冇錯我哋兩個都唔多清楚佢幾時整親....原因係佢一啲事鄀冇
只係冇哪哪有日先佢後腳有粒紅色嘅肉粒...撫佢佢又冇反應。我哋諗可能佢比响啲草入邊嘅蟲蟲咬......不過帶佢去 Vet. 度檢查吓好啲。

Vet. 話應該係佢唔小心整親之後發炎、含癑.....Vet. 幫佢放咗啲癑之後係咁出血，所以 Vet. 用咗啲動物用嘅膠布幫佢包住順便幫佢止血。

不過未返到屋企佢就留咗佢嘅春卷皮响車喇唉......好彩啲血已經止咗喇。依要幫佢早晚浸腳同滴藥水...希望快啲消腫喇。

Pika Chiu 上頭版

你都可以上頭版架 Click 呢度 ==> MagMyPic.com

新雨褸

呢件雨褸唔係我做嘅...係响香港一位網友幫 Pika 特別訂做...因為响北美都揾唔到呢種防水布料...

原本前腳部份長咗少少，所以我自己改短咗。

Pika 第一次著嗰時係長到响正面睇，係見唔到前腳架，依家好好多喇。

Oh....如果你住香港又有養狗嘅話，可以去 >>-- 呢度 --<< 睇吓架...佢有幫狗仔做衫架。



要特別鳴謝 Pika 嘅契爺 Jacky...因為佢幫 Pika 响香港帶呢件雨褸返嚟。

Thank-You Very Much!!!

Pika 一歲啦

Today is Pika first birthday in the world....

Happy Birthday to my love Pika!!!

Pika 洗白白

今晚終於要幫 Pika 洗白白啦.... 1x 年冇幫狗狗洗過白白啦....原本都冇打算幫佢洗....因為年紀越大o的皮膚就越容易過敏...所以怕幫佢洗完之後我就死啦....好彩...感謝神我冇過敏....

係喎....講返點解要幫 Pika 洗白白呢...

係因為隻臭豬忍唔住o向籠度痾尿...搞到自己成身都係...所以一定要洗白白...

Pika's New Play Bed

我o地禮拜六一早最鍾意去行 Garage Sale...因為可以搵到好多平o野...好似今日就搵到一套 Play bed....平時要成 $100...我o地就只係用o左 $33...需然係舊o既但係我o地比 Pika 用...新舊真係冇乜所為...最緊要係平...哈哈

復活節...

今年復活節邊度都冇去...教會都無返幾個月啦...因為奶奶o黎o左而佢又唔願意去西人教會...所以我o地都冇返留o向屋企倍o下佢囉。

成個 Weekend 都係o向屋企整o下花園, 睇o下 Movies 咁。

>-- Dr. Chiu 成功將 Dining Room 出邊o的樹仔搬o左去 Side Yard...遲o的先影返o的相比你o地睇啦...(Mar27 加返兩張相)



>-- 我同奶奶一齊 "車" o左件雨褸比 Pika, 不過又未影相... (Mar27 加返兩張相)



>-- 我呢幾日都好辛苦, 因為鼻敏感到流鼻血, o尋日無o那o那o左流三次, 今日一早洗洗o下面又流...搞到個人都幾虛弱o下...最大鑊o既係完全用唔到個鼻o黎抖氣...個鼻唔係流鼻血就流鼻水, 有時都分唔清係流緊o的乜....又唔知敏感o的乜...如果係花粉咁就真係死得啦...因為依家都未係最勁o既時候...但好奇怪, 上年無敏感...一o黎就咁勁!? 會唔會同我最近開始食 local 蜂蜜有關呢!?

Ruston 都會有大風雪!!!

嘩! 大新聞呀! Ruston 今日落雪喎...



成兩年冇見過雪啦...不過呢o的係濕雪...而唔係我鍾意o既乾雪, 不過都好過冇啦...

我鍾意乾雪係因為每塊都唔同形狀, 好似人咁, 都係獨一無二o既, 而濕雪落到地面會變水 or 冰...

咦...落落o下變o左落乾雪喎....重越落越大添... Dr. Chiu o岩o岩打電話o黎話有間小學因為落雪o既關係提早放學喎...洗唔洗呀﹖

想睇多d相就 >> Click Here <<

Lincoln Parish Park

今日見天氣幾好...我o地又帶 Pika 去 Lincoln Parish Park 散步... 對上一次已經係個幾月之前o既事囉...因為 Pika 做完手術要休養兩個禮拜...之後又一直落雨又凍所以都冇去過...

今次我o地帶齊雞翼同 Hot Dog 添...

Pika 玩 "sir" 滑梯添...勁呀!! 佢原本怕高唔肯 "sir" o架....後o黎我o地去第二條冇咁高o既佢先肯.... (特別鳴謝老爺o既 Video)

重有好多相o架 >-- Click Here --< 老爺個相薄 >-- Click Here --<

回復自由o既 Pika

Pika 終於都可以唔洗再用燈罩啦...今日佢非常開心呀!!

冇o左燈罩...可以自由咁狂跑, 自由咁飲水, 自由咁玩, [目訓]都[目訓]好o的添

Pika's 燈罩 Look!!!

o尋日終於都要帶返 Pika 返醫生度先帶到呢個燈罩...返到屋企之後 Pika 死都唔肯郁...5pm 同 9pm 都唔肯痾, 擔心到我同 Dr. Chiu 死死o下.


不過好彩今早佢都肯痾啦...不過冇平時痾得咁多...希望佢快好返啦.

Pika 手術後當晚同今早

唔知點解 Pika 做完手術之後好似老o左好多咁o既??

醫生比o左條籃色巾巾佢...都幾得意喎...

o向醫生度佢一見到我就係咁 Kiss 我...開心到佢呀...平時我係唔會比佢 Kiss 我面架...不過今日就算啦.

基本上第一晚都幾 OK...可能因為藥力未過...所以都好似好[支力]咁...

今日就好返少少...不過平時 9 點幾會再 [目訓] o既時候佢唔願 [目訓]...係咁喊...又因為佢係咁 [lam] 個傷口, 所以我今次早去醫生度買個燈罩比佢...等佢 lam 唔到個傷口...走左幾次先買到個o岩佢o既燈罩...因為佢個頭 size 係細同中之間...重之就煩啦....遲o的先 post 佢個燈罩樣啦

Desex...

Pika 今日做 Desex 手術...

放低佢o向 Vet 度o既時候我一o的都冇擔心架...重同 Vet o個度隻貓貓玩得好開心

返到屋企飲完杯奶茶唔見o左Pika有o的唔慣, 再坐耐o的就開始擔心佢...唔知佢依家點, 又唔知個手術開始未...總之我就有o的食唔安坐唔落啦...

未老先衰???

經過星期三, 四做 GYM 半個鐘 ... 加星期六陪 Pika 行o左 3 個鐘 trail ... 同星期日幫書房大搬位之後 ...

今日大腿兩o舊肉都好酸痛呀!! 真係未老先衰 ... 我諗我真係太少運動所以先會咁 ... 希望遲 d 會好 d 啦....

講開又講 ... 今日 5 pm 同 Pika 去散步o既時候發現鄰居隻 BB Labrador 好可憐咁o向外邊走o黎走去 ... 自已就多事驚佢真係會走失 ... 所以諗主捉佢返我屋企等佢主人返先送佢返去 ... 好彩佢主人o向我行到一半o既時候返o黎 ... 我都幾驚佢架 ... 識得我耐o既都知我驚大狗架啦 ... 今次真係好勇敢, 先返屋企放 Pika 比 Dr. Chiu 睇住再一個去捉狗 ... 一心諗住佢只不過係一隻 BB 狗我應該搞得佢掂, 所以都諗過叫 Dr. Chiu 幫手 ... 不過隻狗狗真係好大力 ... 返到屋企我已經上氣唔接下氣 ... 得返半條老命 ... 嘩!! 佢依家先得個 8~9 個星期大都咁大力!!! 到真係成年咪 ... 好彩我死都要養細種狗 ...

不過隻 BB Labrador 都幾可憐架 ... 咁細個就要生活o向屋外邊, 話就話有鐵練鎖, 有間屋仔比佢 (所以先有機會走到出o黎屋企外邊 ... 不過佢都好乖冇四圍走)...不過生活就冇 Pika 咁好啦 ... 住o既地方冇草, 又要多樹枝 ... 又冇人會同佢日日去散步 ... 其實隻狗狗係朋友送比佢個女女o既 Holiday Gift 所以佢地唔識照顧隻狗狗都好正常!! 所以我同 Dr. Chiu 都好反對用 Pets o黎做 Gift ...

Pika 應該都大定唔會再大啦!!! 佢呢個 Size 最o岩我地屋企 ... 睇返佢我都覺得佢好幸福呀!!!

個 Fence 已經整好, 依家要等整草皮 ... 不過呢兩日冇落雨 ... 都可以比 Pika 出去自由咁跑o下o既!!! 落雨就唔好啦 ... 跑完會由白狗變黃狗...咁咪要改名叫 [旺財] ... NO WAY!!!

Pika First Hike

Yesterday we brought Pika to Lincoln Parish Park for his first hiking trip.

We walked for almost 3 hours and he seemed like it a lot...

We plan to bring him more often to let him run and play...

Lincoln Parish Park

寵物智能身份證

哈哈....今日上網比我搵到o的咁得意o既o野.... [寵物智能身份證]

咁得意...當然要第一時間幫 Pika 整返張啦...哈哈哈...係咪好得呢!?

如何整狗狗智能身份證