Pika's feline friend

噚晚Pika 帶咗隻貓返屋企，Dr. Chiu 見佢好似好餓咁，叫我比啲牛奶佢...點知結果佢走咗入我哋後園成晚都唔走，搞到 5am 叫醒 Pika 添。因為佢好似 Alarm 咁响我哋後園對門度係咁叫...唉

後嚟要 Pika 同 Dr. Chiu 送返佢返 "屋企"，其實只係送佢返去佢開始跟 Pika 嘅地方咋。

如果佢再嚟就要送佢去 Animal Rescue 喇

再倒數 182 日 - BBQ

今朝見到 Pika 响厠所門口....

Pika: 我係咪好 Cute 呢?
我: Cute!! 不過再 Cute 都冇得入厠所喇...死咗條心喇你!!
Pika: 吓!?

我: 最多帶你一齊去BBQ喇

Pika: 都好!!! 有得去街街



同場加影 "火燒紅蟻竇", 不過失敗咗...個蟻竇太大....啲火燒唔起，唯有同佢哋一齊 BBQ 喇!!!

Pika 搬咗入主人房....

多謝Annie嘅提議，噚晚正式幫 Pika 搬咗佢間"房"(籠)入我哋嘅主人房，同時係佢第一晚唔關門瞓嘅大日子。
第一晚佢嘅表現都算幾好，一開始佢好好奇咁四圍望...佢走完去望 Dr. Chiu 之後又走去望...超搞笑。

難得噚晚大家都有覺好瞓。我半夜起身去厠所佢都冇理我...真係乖仔
不過到 Dr. Chiu 就冇咁好彩喇... Dr. Chiu 一起身 Pika 就好緊張咁起身黐住佢...之後又唔肯瞓返，最後 Dr. Chiu 要提早起身陪佢

不過最好笑嘅係...當 Dr. Chiu 出門返工嘅時候 Pika 意想不到地自己行返入嚟佢間"房"到瞓喎，佢重瞓到我起身出房佢都唔理我添...

新書

生曰前响 yesasia.com 度訂咗兩本拼布書同以下呢本 【狗狗有家教】。



個兩本拼布書可以去我個 Craft's Blog >>-- 呢度 --< 睇

至於會呢本 【狗狗有家教】 嘅原因為...自從屋企換部新電視之後 Pika 開始出現 "成日亂吠" 嘅不良行為，呢個不良行為啲夜晚睇電視時間最為厲害，令到我哋除咗體育頻道乜都唔睇得...問過好多養緊狗嘅朋友，用咗唔同嘅方法都搞佢唔掂...用噴水壺嘅方法係有少少用，但當電視裡出現動物或卡通人物嘅時候又再狂吠。

睇咗 【狗狗有家教】 個作者嘅 blog 都有幾個月覺得佢都講得幾有道理，所以買佢本書返嚟睇吓係咁我哋做咗啲乜嘢令到佢呢個不良行為嘅出現。

Pika 出碟!?

出咗碟之後連猫都上網睇吓佢乜料...


四圍都可以見到佢嘅廣告...因為有錢所以佢開咗間公司做 CEO，咁就可以錢揾錢養爸爸、媽媽



由於近日 Pika Chiu 當紅，有唔少人都幫佢晝晝像

Long weekend

今次想講呢間 Japan House...

佢哋啲甜品真係難食到唔知點講好...不過佢哋嘅服務真係好到唔講唔得

由於呢個 trip 都嚟得幾特然再加上我唔記得今個 weekend 係 Long Weekend...所以 Pika book 唔到 boarding，搞到要帶佢一齊出 Dallas....不過好彩比我哋响 Plano book 到 Doggie Day Camp...不過係星期日...咁星期六出到嚟就更係第一時間揾嘅食啦....有人話呢間幾好咪去試囉

但係我哋帶住 Pika 又點可以入去食 All You Can Eat 呢?? Dr. Chiu 就膽粗粗問吓佢哋可唔可以放 Pika 响佢地嘅 office...因為我哋知有食物嘅地方一定唔可以帶動物，而通常啲餐廳都唔會理會客人啲咁嘅要求。不出我所料...真係唔得。不過佢哋比 Pika 去佢哋嘅小貨倉...需然冇冷氣不過都好過响架車度焗呀...佢哋重好人到比水Pika飲添。到食完佢哋又帶Pika出嚟我哋架車度添.

今次出 Dallas 其實主要係買櫃...冇錯..又買櫃...冇幫法架車細就係咁，要好似啲蟻咁慢慢買、慢慢搬。
今次要買電視櫃放入主人房...因為買咗 LCD 電視之後部老電視就入咗主人房不過一直未揾到個啱高度嘅櫃，所以佢一直都放响地，而我就因為張牀太早要扒响牀尾先睇到電視。

最後我哋响 IKEA 買咗呢個電視櫃放响廳，而原本個櫃其實係一個書櫃比我打橫放响地做電視櫃，依家將佢企返身入主人房


原本部電視就係放响呢個牆角嘅地下喇...而架高幾多，終於唔洗扒响度睇電視喇...yeah

綠色嘅春卷...

你哋見過綠色嘅春卷未?



呢條春卷係 Pika 隻腳仔。

點解會咁? 係因為 Pika 唔知幾時整親隻腳...冇錯我哋兩個都唔多清楚佢幾時整親....原因係佢一啲事鄀冇
只係冇哪哪有日先佢後腳有粒紅色嘅肉粒...撫佢佢又冇反應。我哋諗可能佢比响啲草入邊嘅蟲蟲咬......不過帶佢去 Vet. 度檢查吓好啲。

Vet. 話應該係佢唔小心整親之後發炎、含癑.....Vet. 幫佢放咗啲癑之後係咁出血，所以 Vet. 用咗啲動物用嘅膠布幫佢包住順便幫佢止血。

不過未返到屋企佢就留咗佢嘅春卷皮响車喇唉......好彩啲血已經止咗喇。依要幫佢早晚浸腳同滴藥水...希望快啲消腫喇。